سوئی نادرن گیس کمپنی کے اعلان کے مطابق امیدواروں کو اپنی درخواست کے ساتھ کمپیوٹرائزڈ نیشنل آئی ڈی کارڈ (CNIC) اور جائیداد کی ملکیت کے ثبوت جمع کرانا ہوں گے۔ یہ دستاویزات اس لیے لازمی قرار دی گئی ہیں تاکہ درست تصدیق اور نئے کنکشن کے عمل کو بغیر کسی دشواری کے مکمل کیا جا سکے۔

یہ بھی پڑھیں: سرکاری ملازم کو ریٹائرمنٹ پر اب کتنی رقم ملے گی؟

کمپنی نے مزید وضاحت کی کہ وہ صارفین جنہیں پہلے ہی ڈیمانڈ نوٹس جاری ہو چکے ہیں، ان کو نئی درخواستوں کے عمل میں ترجیح دی جائے گی۔ ایسے صارفین کی سہولت کے لیے SNGC نے ایک خصوصی آن لائن لنک بھی تیار کیا ہے تاکہ تیز اور مؤثر کارروائی ممکن ہو سکے۔
فیس کے حوالے سے SNGC نے بتایا کہ نئے RLNG کنکشن کے لیے سیکیورٹی ڈپازٹ 20,000 روپے (قابل واپسی) مقرر کیا گیا ہے۔ اس کے علاوہ سروس لائن لگانے کے لیے 10 مرلہ تک گھروں کے لیے 1,500 روپے اور 10 مرلہ سے زائد گھروں کے لیے 3,000 روپے فیس رکھی گئی ہے۔ جو لوگ اپنی درخواستوں کی فوری منظوری چاہتے ہیں، ان کے لیے 25,000 روپے کی ایمرجنسی پراسیسنگ فیس بھی متعارف کرائی گئی ہے۔
صارفین اپنی درخواستیں اور رضامندی فارم آن لائن بھر سکتے ہیں، تاہم جو افراد روایتی طریقہ اختیار کرنا چاہتے ہیں وہ SNGC کے علاقائی دفاتر جا کر بھی یہ عمل مکمل کر سکتے ہیں۔ یہ اقدام SNGC کے اس عزم کی عکاسی کرتا ہے کہ قدرتی گیس کے متبادل ذرائع کو گھروں تک زیادہ وسیع پیمانے پر فراہم کیا جائے اور ملک کو درپیش توانائی کے بحران سے نمٹنے میں مدد مل سکے۔