منگل کے روز ایک پریس کانفرنس سے خطاب کرتے ہوئے ڈی جی پی ڈی ایم اے کا کہنا تھا کہ رواں مون سون سیزن کے دوران پی ڈی ایم اے نے ہنگامی صورتحال سے نمٹنے کے لیے بھرپور اقدامات کیے۔

 اُنہوں نے بتایا کہ اس وقت پنجاب کے جنوبی علاقوں میں سیلابی پانی داخل ہو چکا ہے تاہم دریائے سندھ، چناب اور راوی میں اب کسی نئے سیلابی ریلے کی آمد کا کوئی خطرہ موجود نہیں۔

یہ بھی پڑھیں: آج بادل کہاں کہاں برسیں گے؟ محکمہ موسمیات نے خبردار کردیا

انہوں نے مزید کہا کہ پی ڈی ایم اے کی ٹیمیں مسلسل فیلڈ میں موجود ہیں اور صورت حال پر مکمل نظر رکھے ہوئے ہیں۔ آئندہ چار سے پانچ روز میں سیلاب سے متاثرہ دیہات میں صورتحال معمول پر آنا شروع ہو جائے گی۔ امدادی کارروائیاں تیز کر دی گئی ہیں اور متاثرہ علاقوں میں کھانے پینے کی اشیاء، خیمے اور طبی امداد فراہم کی جا رہی ہے۔