نادرا کے مطابق اپ ڈیٹ شدہ ایپ میں ایک بہتر ڈیش بورڈ، مزید مؤثر سرچ آپشن اور شناختی کارڈز کی منسوخی کا تیز رفتار طریقہ شامل کیا گیا ہے۔ ایپ کی تمام خصوصیات کو اب انگریزی اور اردو دونوں زبانوں میں لیبل کیا گیا ہے تاکہ دیہی علاقوں کے رہائشی افراد بھی آسانی سے فائدہ اٹھا سکیں۔
اہم بہتریوں میں ایپ کے اِن باکس کے ذریعے درخواست کی پیشرفت کا پتہ لگانے کی سہولت اور مخصوص اضلاع میں یونین کونسلز کے تعاون سے آن لائن وفات کی رجسٹریشن شامل ہے۔ نادرا نے شہریوں سے درخواست کی ہے کہ وہ نئی سہولیات کے حصول کے لیے ایپ کا تازہ ترین ورژن ڈاؤن لوڈ کریں۔
یہ بھی پڑھیں: گرین ای ٹیکسی کی اہلیت کا معیار کیا ہو گا؟
اسی سلسلے میں کراچی کے میئر مرتضیٰ وہاب نے حال ہی میں اعلان کیا ہے کہ شہر کی تمام یونین کونسلز میں نادرا کاؤنٹرز قائم کیے جائیں گے تاکہ عوام کو رجسٹریشن کی خدمات تک آسان رسائی حاصل ہو۔ یہ اعلان بابر مارکیٹ لانڈھی میں اپ گریڈ شدہ نادرا رجسٹریشن سینٹر کے افتتاح کے موقع پر کیا گیا۔
میئر وہاب نے مزید بتایا کہ لیاری کے کاکڑی گراؤنڈ میں ایک نئے رجسٹریشن سینٹر کے لیے فزیبلٹی اسٹڈی جاری ہے، جبکہ گلشنِ اقبال، گلبرگ اور سرجانی ٹاؤن میں میگا سینٹرز کی تعمیر جاری ہے۔
