رجسٹرار اسلام آباد ہائیکورٹ نے ڈاکٹر عافیہ صدیقی کیس 10 ستمبر کو سماعت کیلئے مقرر کردیا۔

اسلام آباد ہائیکورٹ نے عدالتی حکم عدولی پر وزیر اعظم و کابینہ کو توہین عدالت کے نوٹس جاری کرنے کا کیس کی سماعت کیلئے لارجر بنچ تشکیل دے دیا ۔

جسٹس ارباب محمد طاہر چار رکنی لارجر بنچ کی سربراہی کریں گے، جسٹس خادم حسین سومرو ، جسٹس اعظم خان اور جسٹس راجہ انعام امین منہاس بھی چار رکنی لارجر بنچ کا حصہ ہوں گے۔

یہ بھی پڑھیں:جناح ہاؤس حملہ کیس، عمران خان کے بھانجے شیر شاہ کی ضمانت منظور

ذرائع کے مطابق یکم ستمبر کو جسٹس انعام امین منہاس نے لارجر بنچ کے لیے فائل چیف جسٹس اسلام آباد ہائیکورٹ جسٹس سردار سرفراز ڈوگر کو بھجوا دی تھی۔

خیال رہے کہ اس سے قبل یہ کیس جسٹس سردار اعجاز اسحاق خان کی عدالت میں زیر سماعت تھا، جسٹس سردار اعجاز اسحاق نے گزشتہ سماعت پر وزیراعظم اور کابینہ ارکان کو توہین عدالت کے نوٹسز جاری کیے تھے۔

واضح رہے کہ جسٹس سردار اعجاز اسحاق کے ٹیکس کیسز کے لیے سپیشل ڈویژن بنچ کا حصہ بننے کے بعد سنگل بنچ کے کیسز ٹرانسفر کر دیے گئے تھے۔