تفصیلات کے مطابق کے پی اسمبلی میں عمران خان اور بشریٰ بی بی کے ساتھ جیل میں ناروا سلوک کرنے کیخلاف قرارداد منظور کر لی گئی، جبکہ اپوزیشن اراکین کی جانب سے اس کی شدید مخالفت کی گئی ہے۔
خیبرپختونخوا اسمبلی کے اجلاس میں پاکستان تحریک انصاف (پی ٹی آئی) کے رکن آصف محسود نے ایوان میں قرارداد پیش کرتے ہوئے کہا کہ بانی چئیرمین پاکستان تحریک انصاف (پی ٹی آئی) اور ان کی اہلیہ کے ساتھ غیر قانونی اور انسانی حقوق کیخلاف رویہ اپنایا جارہا ہے۔
یہ بھی پڑھیں: وزیراعلیٰ علی امین گنڈا پور نے ملک میں صدارتی نظام کی حمایت کردی
اراکین اسمبلی کی جانب سے قرارداد میں مطالبہ کیا گیا کہ عمران خان کو اخبارات اور ٹی وی تک رسائی حاصل نہیں، جبکہ دونوں کو جیل میں بنیادی سہولیات بھی نہیں دی جارہیں۔
دوسری جانب اپوزیشن اراکین کی جانب سے اس قرارداد کی مخالفت کی گئی، تاہم عددی اکثریت کی وجہ سے حکومت کثرت رائے سے اس کو منظور کروانے میں کامیاب ہوگئی۔
