سکیورٹی ذرائع کی جانب سے بتایا گیا ہے کہ 7 اور 9 اگست کو سکیورٹی فورسز نے فتنہ الخوارج کی ایک بڑی تشکیل جو سمبازا، بلوچستان کے علاقے میں بارڈر کراس کرنے کی کوشش کر رہی تھی، کو موثر کارروائی کے بعد جہنم واصل کیا۔

ذرائع کا بتانا ہے کہ 7 تا 9 اگست سیکورٹی فورسز نے آپریشن میں فتنہ الخوارج کے 47 دہشت گردوں کو جہنم واصل کیا، جہنم واصل زیادہ تر دہشت گرد افغان تھے، بارڈر پر فتنہ الخوارج کے جہنم واصل زیادہ تر دہشت گردوں کی لاشیں افغانستان کی طرف گری تھیں۔

سکیورٹی ذرائع کی جانب سے بتایا گیا کہ مارے جانے کے 15 دن بعد بھی افغانستان سے ان جہنم واصل دہشت گردوں کی لاشیں اٹھانے کوئی نہیں آیا، اس دوران جہنم واصل دہشت گردوں کی لاشیں افغانستان سائیڈ پر گلتی سڑتی رہیں۔

ذرائع نے بتایا کہ 25 اگست کو بارڈر پر افغان حکام کے ساتھ جرگہ کے بعد ان لاشوں کو گدھوں پر لاد کر لے جایا گیا، لمبا عرصہ دھوپ اور باہر کھلے میں پڑے رہنے والے فتنہ الخوارج کے جہنم واصل 47 دہشت گرد گوشت خور جانوروں کی بھوک بھی مٹاتے رہے۔

سکیورٹی ذرائع کا مزید کہنا تھا کہ فتنہ الخوارج کی اس بڑی تشکیل کو کسی بھی دہشت گردانہ کارروائی سے پہلے ہی ٹھکانے لگا دینا سکیورٹی اور انٹیلی جنس اداروں کی بڑی کامیابی ہے۔