تفصیلات کے مطابق کیس کی سماعت کے دوران فریقین کی جانب سے کوئی بڑی پیش رفت سامنے نہ آ سکی جس کے بعد عدالت نے کیس کی سماعت 26 اگست تک ملتوی کرنے کا فیصلہ سنایا۔

اس موقع پر عدالت نے ریمارکس دیے کہ آئندہ سماعت پر فریقین کی جانب سے تیاری کے ساتھ پیش ہونا ضروری ہے تاکہ کیس کو مؤثر انداز میں آگے بڑھایا جا سکے۔

یاد رہے کہ توشہ خانہ ٹو کیس میں بانی پاکستان تحریک انصاف (پی ٹی آئی) عمران خان اور بشریٰ بی بی پر الزام ہے کہ انہوں نے اپنے دورِ حکومت کے دوران توشہ خانہ سے ملنے والے قیمتی تحائف کی خرید و فروخت میں قواعد و ضوابط کی خلاف ورزی کی۔

یہ بھی پڑھیں:عمران خان کی 9 مئی کے مقدمات میں ضمانتیں منظور

اس کیس میں پہلے بھی کئی مرتبہ سماعتیں ملتوی ہو چکی ہیں جس کے باعث معاملہ تاحال حتمی نتیجے تک نہیں پہنچ سکا۔

قانونی ماہرین کا کہنا ہے کہ بار بار سماعتیں ملتوی ہونے سے نہ صرف عدالتی کارروائی میں تاخیر ہو رہی ہے بلکہ فریقین کیلئے قانونی پیچیدگیاں بھی بڑھ رہی ہیں۔

اب تمام نگاہیں 26 اگست کو ہونے والی سماعت پر مرکوز ہیں کہ آیا کیس میں کوئی عملی پیش رفت سامنے آتی ہے یا نہیں۔