ترجمان دفتر خارجہ کے مطابق پاکستانی ہائی کمیشن نئی دہلی میں منعقدہ تقریب میں پاکستان کے ناظم الامور سعد احمد وڑائچ نے پرچم کشائی کی،ہائی کمیشن کے افسران، عملہ اور ان کے اہلِ خانہ نے تقریب میں شرکت کی۔
ترجمان کی جانب سے بتایا گیا کہ اس موقع پر صدرِ مملکت، وزیرِ اعظم، نائب وزیرِ اعظم اور وزیرِ خارجہ کے پیغامات پڑھ کر سنائے گئے۔
تقریب سے خطاب کرتے ہوئے پاکستانی ناظم الامور سعد احمد وڑائچ کا کہنا تھا کہ قائداعظم محمد علی جناح کی قیادت میں برصغیر کے مسلمانوں نے آزاد وطن کے لیے تاریخ کا دھارا بدل دیا، پاکستان برصغیر کے مسلمانوں کے حقِ خود ارادیت کی طویل اور عظیم جدوجہد کی تکمیل ہے۔
The High Commission for Pakistan, New Delhi celebrated the 78th anniversary of Pakistan’s Independence, today.@ForeignOfficePk@Saadawarraich@epwing_official@PkPublicDiplo pic.twitter.com/HbPBP4AUM9
— Pakistan High Commission India (@PakinIndia) August 14, 2025
سعد احمد وڑائچ نے کہا کہ آزادی ایک عظیم نعمت اور خدا کا انمول تحفہ ہے جس کا ہر وقت دفاع ضروری ہے، آزادی کا راستہ شہداء کے خون سے ہموار ہوا ، پاکستان اپنی خودمختاری اور سالمیت کے تحفظ کی بھرپور صلاحیت رکھتا ہے۔
پاکستانی ناظم الامور کا مزید کہنا تھا کہ پاکستان کسی بھی بیرونی خطرے یا جارحیت کا مؤثر جواب دینے کی بھرپور صلاحیت اور اہلیت رکھتا ہے، حالیہ غلبے کے لیے چھیڑی گئی جنگ میں دشمن خود مغلوب ہوا ۔
The abiding lesson of the independence movement is that freedom is not free; the road to freedom was paved with the blood and sacrifice of countless martyrs. It is equally true that freedom cannot be taken for granted; it has to be preserved and defended every day: Cd A pic.twitter.com/EjmJOatnRN
— Pakistan High Commission India (@PakinIndia) August 14, 2025
