نوٹس ٹو ایئرمین (NOTAM) کے مطابق 11، 12 اور 13 اگست کو رات 8 بجے سے 10 بجے تک تمام پروازیں معطلی کا شکار رہیں گی، اس سلسلے میں ایئرلائنز کو ہدایت دی گئی ہے کہ ان اوقات کار میں کوئی بھی پرواز شیڈول نہ کی جائے۔

نوٹم میں مزید بتایا گیا کہ 6 سے 9 اگست اور 11 سے 14 اگست کے دوران دن کے اوقات میں بھی پروازیں مختلف اوقات میں معطل رہیں گی، جن میں صبح 11 بجے سے دوپہر 1 بجے تک خصوصی معطلی شامل ہے۔

انتظامیہ کی جانب سے مسافروں کو مشورہ دیا ہے کہ روانگی سے قبل اپنی پروازوں کے اوقات کار کی تصدیق کر لیں، تاکہ کسی بھی قسم کی پریشانی اور وقت کے ضیاع سے بچا جا سکے۔

یہ بھی پڑھیں:حج 2026: رجسٹریشن کا آج آخری دن، بینک کھلے رہیں گے

خیال رہے کہ ایئرلائنز کو شیڈول میں ضروری تبدیلیاں کر کے متعلقہ مسافروں کو بھی مطلع کرنے کی ہدایت جاری کی گئی ہے۔

ذہن نشین رہے کہ یہ عارضی معطلیاں پاکستان کے 77ویں یوم آزادی کی تقریبات کیلئے سیکیورٹی اور انتظامی تیاریوں کا حصہ ہیں، جو وفاقی دارالحکومت میں مکمل جوش و خروش کے ساتھ منعقد ہوں گی۔