اس اقدام کا مقصد غریب طبقے کو مہنگی بجلی کے بوجھ سے نجات دلانا اور متبادل توانائی کے ذرائع کو فروغ دینا ہے۔

خیال رہے کہ یہ منصوبہ اُن گھریلو صارفین کیلئے ہے جو گزشتہ 6 ماہ میں اوسطاً ماہانہ 100 یونٹ سے کم بجلی استعمال کرتے ہیں۔ منصوبے کے تحت سندھ بھر میں 1 لاکھ 30 ہزار خاندانوں کو مفت سولر سسٹمز فراہم کیے جائیں گے، جس سے نہ صرف بجلی کے بلوں میں نمایاں کمی آئے گی بلکہ توانائی کی بچت اور ماحول دوست اقدامات کو بھی فروغ ملے گا۔

اہلیت کا معیار

صرف وہ صارف اہل ہوں گے جن کا پچھلے 6 ماہ کا بجلی کا استعمال 100 یونٹ سے کم ہو۔

درخواست دہندہ نے پہلے کسی بھی سرکاری اسکیم کے تحت سولر سسٹم حاصل نہ کیا ہو۔

درخواست کا طریقہ کار

خواہشمند افراد کو اپنے بجلی کے بل اور قومی شناختی کارڈ کے ساتھ درخواست فارم بھرنا ہوگا۔ یہ فارم متعلقہ یونین کونسل چیئرمین یا کسی گزیٹڈ آفیسر سے تصدیق کرانا لازمی ہے۔ تصدیق شدہ فارم محکمہ توانائی سندھ کے پروجیکٹ آف ہوم سولر سسٹم آن گرڈ کے دفتر میں جمع کرایا جائے گا۔

یہ بھی پڑھیں: حج 2026: رجسٹریشن کا آج آخری دن، بینک کھلے رہیں گے

درخواست جمع کرانے کی آخری تاریخ 20 اگست 2025 مقرر کی گئی ہے۔

حکومت سندھ کا کہنا ہے کہ یہ منصوبہ نہ صرف مہنگائی سے متاثرہ عوام کو فوری ریلیف فراہم کرے گا، بلکہ بجلی کے بحران پر قابو پانے اور درآمدی ایندھن پر انحصار کم کرنے میں بھی مددگار ثابت ہوگا۔