راجہ بشارت، صنم جاوید کی عبوری ضمانتیں خارج
جوڈیشل مجسٹریٹ شائستہ کنڈی کی عدالت نے 5 اگست احتجاج پر درج مقدمہ میں گرفتار پی ٹی آئی کی 7 خواتین کارکنوں کی ضمانت بعد از گرفتاری کی درخواستیں منظور کرلیں
لاہور کی انسداد دہشت گردی عدالت نے راجہ بشارت اور صنم جاوید کی عبوری ضمانتیں خارج کیں/ فائل فوٹو
(ویب ڈیسک) جوڈیشل مجسٹریٹ شائستہ کنڈی کی عدالت نے 5 اگست احتجاج پر درج مقدمہ میں گرفتار پی ٹی آئی کی 7 خواتین کارکنوں کی ضمانت بعد از گرفتاری کی درخواستیں منظور کرلیں۔

گزشتہ روز ضمانت بعد از گرفتاری کی درخواستوں پر سماعت کے دوران وکلاء کے دلائل مکمل ہونے اور پولیس ریکارڈ دیکھنے کے بعد عدالت نے 20،20 ہزار روپے مچلکوں کے عوض تمام خواتین کارکنوں کی ضمانت منظور کرنے کا حکم سنا دیا۔ پی ٹی آئی خواتین کارکنان کے خلاف پاپو ایکٹ و دیگر دفعات کے تحت تھانہ لوہی بھیر میں مقدمہ درج ہے۔

یہ بھی پڑھیں: پی ٹی آئی کارکنوں کی بازیابی، درخواست سماعت کیلئے مقرر کرنیکا حکم

لاہور کی انسداد دہشت گردی عدالت نے جناح ہائوس کے قریب پولیس کی گاڑیاں جلانے سمیت 9 مئی کے پانچ مقدمات میں فواد چودھری کی عبوری ضمانت میں 26 ستمبر تک توسیع کر دی۔ انسدادی دہشتگردی عدالت لاہور کے جج منظر علی گل نے سابق وفاقی وزیر فواد چودھری کی عبوری ضمانت پر سماعت کی۔

درخواست گزار نے موقف اختیار کیا کہ سیاسی بنیادوں پر مقدمات میں نامزد کیا گیا جلاؤ گھیراؤ سے کوئی لینا دینا نہیں۔ انسداد دہشت گردی عدالت میں نومبر ستمبر اکتوبر احتجاج کے مقدمات کی سماعت ہوئی، راجہ بشارت اور صنم جاوید کی عبوری ضمانتیں خارج کر دی گئیں۔

جج امجد علی شاہ نے مقدمات پر سماعت کی، راجہ بشارت کی جانب سے پیش میڈیکل سرٹیفکیٹ مسترد کر دیا گیا، راجہ بشارت کی اٹک کے تین مقدمات میں عبوری ضمانت خارج کی گئی، ان تین مقدمات میں عبوری ضمانت کی درخواستوں پر فریقین کے دلائل مکمل ہو چکے تھے۔