ذرائع کے مطابق پرائیویٹ آپریٹرز عازمین حج سے کوئی اضافی رقم نہیں لیں گے۔ پرائیویٹ آپریٹرز کی تنظیم ہوپ نے حج سے رہ جانے والے عازمین کے حوالے سے وزارت مذہبی امور کو یقین دہانی کرا دی۔

یہ بھی پڑھیں: وزٹ ویزے کی مدت ختم ہونے والوں کے لیے مہلت میں توسیع

وفاقی وزیر مذہبی امور نے تصدیق کرتے ہوئے کہا کہ ہوپ 25 سے 26 ہزار رہ جانے والے عازمین کو آئندہ برس حج پر بھجوائے گی۔ پرائیویٹ سکیم کے حج سے رہ جانے والے عازمین کے 36 ارب روپے سعودی عرب میں ہیں۔

ذرائع وزارت مذہبی امور امور کے مطابق سعودی عرب کے وائلٹ میں ان عازمین کے 490 ملین ریال موجود ہیں۔ گزشتہ برس 67 ہزار نہیں بلکہ تقریبآ 63 ہزار حج کوٹہ استعمال نہیں ہو سکا۔ پرائیویٹ آپریٹرز 63 ہزار کے کوٹے پر مکمل بکنگ نہیں کر سکے۔

سینٹ کی مذہبی امور کمیٹی وزارت مذہبی امور اور پرائیویٹ حج آپریٹرز کو ذمہ دار قرار دے چکی ہے۔ چیئرمین سینیٹ قائمہ کمیٹی نے پرائیویٹ آپریٹرز اور وزارت مذہبی امور کے افسران کو عازمین کے حج سے رہ جانے کا سبب قرار دیا۔