موسم کا احوال بتانے والوں کے مطابق اسلام آباد اور گردونواح میں رات میں مطلع جزوی ابرآلود رہنےکے ساتھ چند علاقوں میں موسلادھار بارش کا امکان ہے، خیبرپختونخوا کے مختلف اضلاع دیر،چترال،سوات، بونیر،شانگلہ،کوہستان،بٹگرام میں بھی بارش متوقع ہے۔
محکمہ موسمیات کی جانب سے جاری ایڈوائزری میں بتایا گیا کہ مانسہرہ،ایبٹ آباد،ہری پور،مالاکنڈ،مردان،صوابی میں بارش کا امکان ہے،پشاور، باجوڑ، مہمند، کرم، خیبر، اورکزئی، کوہاٹ اور کرک ،لکی مروت،بنوں،وزیرستان اور ٹانک میں بھی بادل برسیں گے۔
اسی طرح پنجاب کے مختلف شہروں راولپنڈی، مری، گلیات، چکوال، اٹک، جہلم، گجرات کے چند مقامات پر بارش کا امکان ہے، گوجرنوالہ،حافظ آباد اور منڈی بہاؤالدین کے چند مقامات پر بارش متوقع ہے، سیالکوٹ،شیخو پورہ،نارووال،لاہور ، سرگودھا ، میانوالی،فیصل آباد، جھنگ، ٹوبہ ٹیک سنگھ اور خوشاب کے چند مقامات پر بارش کا امکان ہے۔
یہ بھی پڑھیں: این ڈی ایم اے کا اربن فلڈنگ، سیلاب اور لینڈ سلائیڈنگ پر انتباہ
محکمہ موسمیات کے مطابق سندھ کے بیشتر اضلاع میں رات کے اوقات میں موسم گرم، حبس اور مطلع جزوی ابر آلود رہنے کا امکان ہے تاہم عمر کوٹ،تھرپارکر،سانگھڑ، مٹھی اورمیر پور خاص میں چند مقامات پر بارش کی توقع ہے۔
بلوچستان کے بیشتر اضلاع میں آج رات موسم گرم اور مرطوب رہنے کا امکان ہے جبکہ بارکھان،موسی خیل،لورالائی،خضدار اور آواران میں بارش کا امکان ہے۔
آزاد کشمیر اور خیبرپختونخوا کے مختلف علاقوں میں مقامی بر ساتی ندی نالوں میں طغیانی کا خطرہ ہے جبکہ خیبرپختونخوا کے پہاڑی علا قوں ، گلگت بلتستان،کشمیر، مری اور گلیات میں لینڈ سلائیڈنگ کے باعث ٹریفک کی آمدورفت متاثر ہونے کا اندیشہ ہے۔
