ترجمان لاہور بورڈ کے مطابق طلبہ و طالبات اپنے نتائج بورڈ کی آفیشل ویب سائٹ، موبائل ایپ اور بذریعہ ایس ایم ایس حاصل کر سکیں گے۔

انتظامیہ کے مطابق بورڈ نے والدین اور طلبہ کو بروقت اور باآسانی نتائج تک رسائی دینے کیلئے تمام تر انتظامات مکمل کر لیے ہیں۔

ذرائع کے مطابق پوزیشن ہولڈرز کے نام آج ہونے والی ایک خصوصی پریس کانفرنس میں جاری کیے جائیں گے۔

ترجمان نے بتایا کہ اعلیٰ کارکردگی دکھانے والے طلبہ و طالبات کے اعزاز میں ایک خصوصی تقریب کا انعقاد بھی کیا جائے گا، جس میں انہیں انعامات سے نوازا جائے گا۔

جاری کردہ شیڈول کے مطابق نتائج کل بروز جمعرات 24 جولائی کو جاری کیے جائیں گے۔

لاہور بورڈ کے اس اعلان سے ہزاروں طلبہ و طالبات میں خوشی کی لہر دوڑ گئی ہے جو کئی ہفتوں سے اپنے نتائج کے منتظر تھے۔

دوسری جانب تعلیمی حلقوں کا کہنا ہے کہ بروقت نتائج کا اعلان نہ صرف شفافیت کی علامت ہے بلکہ اس سے طلبہ کے اگلے تعلیمی مراحل کی راہ بھی ہموار ہو گی۔

واضح رہے کہ لاہور بورڈ کا شمار ملک کے بڑے تعلیمی بورڈز میں ہوتا ہے، جہاں ہر سال لاکھوں طلبہ میٹرک اور انٹرمیڈیٹ کے امتحانات میں شریک ہوتے ہیں۔