تفصیلات کے مطابق پیٹرول کی قیمت میں 6 روپے 60 پیسے فی لیٹر تک اضافہ ہو سکتا ہے۔ اس کے علاوہ ہائی سپیڈ ڈیزل کی قیمت میں بھی 5 روپے 27 پیسے فی لیٹر تک اضافہ متوقع ہے۔

دوسری جانب مٹی کے تیل کی قیمت میں 3 روپے 74 پیسے فی لیٹر اور لائٹ ڈیزل کی قیمت میں 2 روپے 23 پیسے فی لیٹر کمی کی توقع کی جا رہی ہے۔ ذرائع کا کہنا ہے کہ یہ تبدیلیاں عالمی مارکیٹ میں پیٹرولیم مصنوعات کی قیمتوں میں اتار چڑھاؤ کو مدنظر رکھتے ہوئے کی جا رہی ہیں۔

یہ بھی پڑھیں: موٹروے پر تیز رفتار بس الٹ گئی، 5 مسافر جاں بحق، 41 زخمی

مزید برآں قیمتوں میں یہ رد و بدل ابتدائی ورکنگ کی بنیاد پر تیار کیا گیا ہے اور اس کی سمری وزارت خزانہ کو ارسال کر دی گئی ہے۔ اب وزیراعظم سے حتمی منظوری لی جائے گی جس کے بعد وزارت خزانہ نئی قیمتوں کا باضابطہ اعلان کرے گی۔

وزیراعظم کی منظوری کے بعد نئی قیمتیں نافذ العمل ہوں گی اور یہ قیمتیں آئندہ پندرہ روز تک لاگو رہیں گی۔ اس بار کی قیمتوں میں تبدیلی کا مقصد صارفین کو عالمی مارکیٹ کی صورتحال کے مطابق قیمتوں کی مناسب حد تک سہولت فراہم کرنا ہے تاکہ ملک میں پیٹرولیم مصنوعات کی فراہمی مستحکم اور تسلسل کے ساتھ جاری رہ سکے۔

یاد رہے کہ اگر عالمی مارکیٹ میں مزید اتار چڑھاؤ آیا تو قیمتوں میں دوبارہ تبدیلی کی جا سکتی ہے تاکہ ملکی معیشت اور عوامی سہولت کا توازن برقرار رکھا جا سکے۔