یہ تاریخی اسکیم "ای بائیکس پنجاب" کے نام سے وزیراعلیٰ پنجاب یوتھ انیشی ایٹو کے فیز 3 کا حصہ ہے جس کا مقصد طلباء کو کم لاگت، ماحول دوست اور آسان سفری سہولت فراہم کرنا ہے۔

پروگرام کی تفصیلات مندرجہ زیل ہیں:

یہ اسکیم نوجوانوں کو بااختیار بنانے کے وژن کا حصہ ہے جس کے تحت حکومتِ پنجاب درج ذیل بائیکس فراہم کر رہی ہے:

·         19,000 پیٹرول موٹر سائیکلیں

·         1,000 الیکٹرک بائیکس    

پنجاب حکومت کی جانب سے 1ارب روپے کی سبسڈی فراہم کی جا رہی ہے تاکہ طلباء کے لیے یہ بائیکس مزید سستی اور قابلِ حصول بنائی جا سکیں۔

اہل طلباء کے لیے شرائط:

·         عمر 18 سال یا اس سے زائد ہونی چاہیے

·         ڈرائیونگ لائسنس یا لرنر پرمٹ

·         پنجاب کے کسی ڈگری کالج یا یونیورسٹی میں داخل ہو

·         درخواست گزار کے نام پر پہلے سے کوئی موٹر سائیکل رجسٹرڈ نہ ہو

یہ شرائط اس بات کو یقینی بناتی ہیں کہ موٹر سائیکلیں اُن طلباء کو دی جائیں جو واقعی مستحق اور ضرورت مند ہیں۔

یہ بھی پڑھیں: عوام کیلئے خوشخبری، پہلی بار شناختی کارڈ بنوانے کا طریقہ جانیے

درخواست دینے طریقہ:

طلباء درج ذیل سادہ مراحل پر عمل کر کے آن لائن درخواست دے سکتے ہیں:

1.      سرکاری ویب سائٹ پر جائیںhttps://transport.punjab.gov.pk

2.      "وزیراعلیٰ یوتھ انیشی ایٹو – موٹر بائیک اسکیم" پر کلک کریں

3.      ذاتی، تعلیمی اور لائسنس کی تفصیلات کے ساتھ آن لائن فارم پُر کریں

4.      ضروری دستاویزات اپلوڈ کریں (شناختی کارڈ، لائسنس، طالبعلمی کارڈ)

5.      درخواست 20 جولائی 2025 سے پہلے جمع کرائیں

6.      بعد ازاں قرعہ اندازی کے ذریعے کامیاب امیدواروں کا انتخاب کیا جائے گا

قرعہ اندازی کے بعد کا مرحلہ:

منتخب ہونے والے طلباء کو بینک آف پنجاب (BOP) کی جانب سے ادائیگی کے عمل اور موٹر سائیکل کے حصول کے بارے میں رہنمائی فراہم کی جائے گی۔

پنجاب حکومت کا یہ اقدام نوجوانوں کو تعلیمی سفر میں خودمختار، بااعتماد اور جدید سفری سہولت سے آراستہ کرنے کی جانب ایک اہم قدم ہے۔ یہ نہ صرف وقت اور پیسے کی بچت فراہم کرے گا بلکہ ماحولیات کے تحفظ میں بھی معاون ثابت ہوگا۔