ہسپتال انتظامیہ کے مطابق پی ٹی آئی رہنما شبلی فراز کو 72 گھنٹوں کے لیے ابزرویشن میں رکھا گیا ہے۔ ماہر ڈاکٹروں کی ٹیم آج ان کے مزید قیام یا ڈسچارج سے متعلق فیصلہ کرے گی، ڈاکٹرز چند اہم ٹیسٹوں کے نتائج کا بھی انتظار کر رہے ہیں۔ شبلی فراز کی دل کی ایک اہم شریان پر  مسل برج  پایا گیا ہے، جس سے ہارٹ اٹیک کا خطرہ لاحق ہو سکتا ہے۔

یہ بھی پڑھیں: بشریٰ بی بی کی عبوری ضمانت میں توسیع

شبلی فراز کی عمر 67 سال ہے اور وہ گزشتہ 7 برس سے دل کے مریض ہیں۔ اسلام آباد میں ان کی تین مرتبہ انجیوگرافی بھی ہو چکی ہے، ان کے علاج کے لیے پشاور انسٹی ٹیوٹ آف کارڈیالوجی کے 10 ماہر ڈاکٹروں پر مشتمل ٹیم تشکیل دی گئی ہے۔