حکومتِ پاکستان نے حالیہ پاک بھارت کشیدگی میں سفارتی مداخلت اور مؤثر قیادت کے اعتراف میں امریکی صدر ڈونلڈ جے ٹرمپ کو 2026 کا نوبیل امن انعام دینے کی باضابطہ سفارش کرنے کا فیصلہ کیا۔
وفاقی حکومت کی جانب سے جاری ایک بیان میں کہا گیا کہ پاکستان اور بھارت کے درمیان حالیہ کشیدگی کے دوران صدر ٹرمپ نے قابلِ تحسین اسٹریٹجک دوراندیشی کا مظاہرہ کرتے ہوئے بگڑتی صورتِ حال کو قابو میں لاتے ہوئے جنگ بندی کو ممکن بنایا۔
Government of Pakistan Recommends President Donald J. Trump for 2026 Nobel Peace Prize
— Government of Pakistan (@GovtofPakistan) June 20, 2025
The Government of Pakistan has decided to formally recommend President Donald J. Trump for the 2026 Nobel Peace Prize, in recognition of his decisive diplomatic intervention and pivotal…
حکومت کی جانب سے مزید کہا گیا کہ 2025 کے پاک بھارت بحران میں صدر ٹرمپ کی قیادت اس بات کا واضح مظہر ہے کہ وہ عملیت پر مبنی سفارت کاری اور مؤثر امن سازی کی روایت کو آگے بڑھاتے رہے ہیں، امید ہے کہ صدر ٹرمپ کی یہ کوششیں خطے اور دنیا بھر میں امن اور استحکام لانے کا ذریعہ بنیں گی۔
تاہم اب امریکی صدر ڈونلڈ ٹرمپ نے ایران اور اسرائیل کے درمیان جاری تنازع میں امریکہ کو شامل کر کے انتہائی ڈرامائی قدم اٹھایا ہے۔
امریکی صدر کے اس اقدام اور پاکستان کی جانب سے ٹرمپ کو نوبیل امن انعام کیلئے نامزدگی کی سفارش پر حکومت کو عوام کی جانب سے کڑی تنقید کا سامنا ہے۔
سماجی رابطوں کی ویب سائٹ ایکس (سابقہ ٹویٹر) پر حکومتی ٹویٹ کے جواب میں صارفین نے حکومت کو کڑی تنقید کا نشانہ بنایا۔
ایک صارف نے لکھا کہ ٹرمپ کو کس لیے امن انعام ملنا چاہیے؟ کیا غزہ میں ہزاروں فلسطینیوں کو شہید کرنے پر؟ کیا گریٹر اسرائیل مشن کی حمایت پر ؟ یا مسلم مخالف آئیدیالوجی پر؟ ویسے شرم کی بات ہے۔
For what?? For killing million of Palestinians in Gaza?? For supporting his mission of Greater Israel ?? For supporting his Anti Muslim/Islam ideology?? what a Shame!!
— Dr. Taha چیمہ (@MuhammadTahaCh1) June 20, 2025
ایکس پر ایک اور صارف نے حکومت کو آڑے ہاتھوں لیتے ہوئے کہا کہ شرم بھی نہیں آتی، ایک اور صارف کا کہنا تھا کہ "ہم بیٹھے امریکا کیساتھ ہیں اور کھڑے ایران کے ساتھ ہیں،ٹیکنالوجیا"۔
Lakh di lanat ...... sharam bhi nahi aati
— Dr Ayesha (@Dr_AyeshaNavid) June 20, 2025
ایک اور صارف نے کہا کہ اور آپ دعویٰ کررہے ہیں کہ آپ ایران کے ساتھ ہیں۔
And you claim to stand with Iran
— Samia (@iKhanKaPakistan) June 21, 2025
