اسلام آباد کے ریڈ زون میں ایک عام شہری کی ٹیکسی کا ٹائر پنکچر ہوا، جس پر عمر ایوب نے نہ صرف مدد کی پیشکش کی بلکہ خود زمین پر بیٹھ کر ٹائر تبدیل کرنا شروع کر دیا۔ سوشل میڈیا پر وائرل ہونے والی ویڈیو میں واضح طور پر دیکھا جا سکتا ہے کہ عمر ایوب بغیر کسی تکلف کے ٹائر نکال کر اسے تبدیل کر رہے ہیں، اور ان کے اردگرد کوئی خاص پروٹوکول یا حفاظتی عملہ نظر نہیں آتا۔ یہ منظر دیکھ کر وہاں موجود شہری حیران رہ گئے جبکہ سوشل میڈیا پر اس اقدام کو بے حد سراہا جا رہا ہے۔
ویڈیو میں موجود عینی شاہدین کے مطابق، ٹیکسی ڈرائیور پریشان کھڑا تھا جب عمر ایوب اپنی گاڑی سے اترے اور فوری طور پر مدد کی پیشکش کی۔ ان کے اس عمل کو نہ صرف ایک انسان دوست قدم قرار دیا جا رہا ہے بلکہ سادگی اور عاجزی کی علامت بھی سمجھا جا رہا ہے۔
Omar Ayub, Opposition Leader of Pakistan’s largest political party, helps a taxi driver change a flat tire in the Red Zone of Islamabad! true representatives of the people.pic.twitter.com/7yrVbb9Z6z
— Hopeful (@high_hopeful) June 18, 2025
پاکستانی سوشل میڈیا صارفین نے عمر ایوب کے اس رویے کو دیگر سیاستدانوں کے لیے مثال قرار دیا ہے۔ ٹوئٹر اور فیس بک پر لوگ یہ لکھتے نظر آئے کہ "ایسا لیڈر ہر قوم کا خواب ہوتا ہے" اور "عوام کے ساتھ کھڑے ہونے والا ہی حقیقی لیڈر ہوتا ہے"۔
عمر ایوب ماضی میں بھی اپنے سادہ طرز زندگی اور زمینی حقائق سے قریب رہنے کی وجہ سے خبروں میں آتے رہے ہیں، تاہم اس واقعے نے ان کی عوامی مقبولیت میں مزید اضافہ کر دیا۔
