ذرائع کے مطابق اس رابطے میں امریکی وزیر خارجہ نے پاکستان اور بھارت کے درمیان بڑھتی ہوئی کشیدگی پر گہری تشویش کا اظہار کیا اور فریقین سے تحمل اور بردباری اختیار کرنے کی اپیل کی۔ مارکو ربیو نے کہا کہ امریکہ اس وقت سفارتی ذرائع سے کشیدگی کم کرنے کے لیے ہر ممکن تعاون کے لیے تیار ہے، اور وہ نہیں چاہتا کہ یہ صورتحال کسی بڑے فوجی تصادم میں تبدیل ہو۔

دوسری جانب امریکی وزیر خارجہ مارکو ربیو نے پاکستان کے نائب وزیراعظم اسحاق ڈار سے بھی ٹیلی فون پر رابطہ کیا۔ اس گفتگو میں بھی خطے کی موجودہ صورتحال اور ممکنہ خطرات پر تبادلہ خیال ہوا۔

مارکو ربیو نے اسحاق ڈار کو بتایا کہ امریکہ اس بات کا خواہاں ہے کہ خطے میں امن و استحکام قائم رہے، اور اس کے لیے امریکہ سفارتی کوششیں جاری رکھے گا

یہ تمام رابطے اس بات کی عکاسی کرتے ہیں کہ عالمی طاقتیں بھی پاک بھارت کشیدگی سے پریشان ہیں اور کسی بڑے تصادم کو روکنے کے لیے متحرک ہو رہی ہیں۔