نجی ٹی وی سے گفتگو کرتے ہوئے وزیر دفاع خواجہ آصف کا مودی سرکار کو خبردار کرتے ہوئے کہنا تھا کہ اگر بھارت نے جنگ کو طول دی تو ایٹمی جنگ ہوسکتی ہے اور ایٹمی جنگ ذمہ دار بھارت ہوگا۔
صحافی کی جانب سے پوچھے گئے ایک سوال کے جواب میں وزیر دفاع نے کہا کہ ہم چھ سے زیادہ بھارتی طیاروں کو تباہ کر سکتے تھے، مودی اور بھارتی فوج ایک پیج پر نہیں، شہری آبادیوں کو نشانہ بنانا گھٹیا پن کی عکاسی ہے۔
خیال رہےکہ 6 اور 7 مئی کی درمیانی شب بھارت نے رات کی تاریکی میں پاکستان کے مختلف شہروں میں بزدلانہ حملے کیےجس کے بعد افواج پاکستان نے بھرپور جوابی کارروائی کرتے ہوئے 3 رافیل سمیت بھارت کے 5 طیارے مار گرائے اور بھارتی فوج کا بریگیڈ ہیڈ کوارٹر بھی تباہ کردیا۔
یہ بھی پڑھیں: بھارت کو اس سے بڑھ کر اور موثر جواب ملے گے، وزیر دفاع
پاک افواج نے جوابی کاروائی میں بھارت کا بریگیڈ ہیڈکوارٹر بھی تباہ کر دیا۔ نکیال، جولی، بڈوری پیرکنٹھی اور تتہ پانی سیکٹر میں پاکستانی فورسز نے بھرپور جوابی کارروائی کی جس کے بعد بھارتی فوجی چوکیاں چھوڑ کر بھاگ گئے۔
پاکستان آرمی کی جانب سے لائن آف کنٹرول پر دشمن کی پوسٹوں کو بھاری نقصان کے بعد بھارتی فوج نے لائن آف کنٹرول کے چورا کمپلیکس پر سفید جھنڈا لہرا دیا، سفید جھنڈا لہرا کر بھارتی فوج نے شکست تسلیم کر لی۔
