تفصیلات کے مطابق نجی نیوز چینل سے بات چیت کرتے ہوئے وزیردفاع خواجہ آصف کا کہنا تھا کہ بھارت نے انتہائی بزدلی کا مظاہرہ کرتے ہوئے شہری آبادیوں کو نشانہ بنایا ہے،مگر بھارت یاد رکھے کہ اسے اس حملے سے کہیں زیادہ شدید اور مؤثر جواب ملے گا، پاکستان کی خودمختاری پر کسی بھی قسم کا سمجھوتہ نہیں کیا جائے گا۔

خواجہ آصف نے کہا ہے کہ پاکستان نے بھارت کے 5 طیارے مار گرائے ہیں، پاکستان نے کئی بھارتی فوجیوں کو قیدی بھی بنالیا۔

سیکیورٹی ذرائع کی جانب سے جاری کردہ رپورٹس کے مطابق بھارتی میزائل حملے میں احمد پور شرقیہ میں ایک معصوم بچہ شہید ہوا، جبکہ ایک خاتون اور ایک مرد شدید زخمی ہوئے۔

پاکستان کا بھارت کو بھرپور جواب، 5 طیارے مار گرائے

دوسری جانب پاکستان کی جانب سے حملے کے فوراً بعد جوابی کارروائی کا آغاز کر دیا گیا ہے اورسیکیورٹی فورسز کو مکمل طور پر ہائی الرٹ پر رکھا گیا ہے۔

عوام سے اپیل کی گئی ہے کہ وہ افواہوں سے گریز کریں اور سرکاری بیانات پر ہی اعتماد رکھیں۔