ذرائع کے مطابق بھارت نے اپنے مذموم عزائم کیلئے پاکستان پررات کی تاریکی میں حملہ کیا، بھارتی فوج کے شرمناک حملوں میں نہ صرف نہتے معصوم شہریوں بلکہ مساجد کو بھی نشانہ بنایا گیا۔
سکیورٹی ذرائع کے مطابق بھارتی فوج کے حملےمیں بہاولپور کی مسجد سبحان کو بھی شہید کردیا گیا، بھارتی حملے کی وجہ سےمسجد میں موجود قرآن پاک سمیت دیگر اسلامی کتابوں کو بھی نقصان پہنچا۔
دفاعی ماہرین کا کہنا ہے کہ سخت جنگی حالات میں بھی مذہبی مقامات اور نہتے شہریوں پر حملے نہیں کئے جاتے، بھارت نے مسجد کو شہید کر کے اپنے مکروہ عزائم کو ظاہر کردیا ہے۔
خیال رہے کہ بھارت کے بزدلانہ حملے میں بہاولپور میں نہتےاورمعصوم شہریوں کو نشانہ بنایاگی، بزدلانہ حملےمیں معصوم بچی، ایک عورت اور ایک مرد شدید زخمی ہیں، بھارت نےرات کے اندھرے میں معصوم پاکستانیوں کو بزدلانہ حملے میں ٹارگٹ کیا۔
سکیورٹی ذرائع نے بتایا ہے کہ پاکستان کی طرف سےبھارتی بلا جواز حملے کا بھرپور جواب دیا جا رہا ہے، پاکستان ایئرفورس نے بروقت کارروائی کرتے ہوئے تین رافیل طیاروں سمیت بھارت کے پانچ طیارے مارے گرائے ہیں۔
افواج پاکستان کی جانب سے جوابی کاروائی میں بھارت کا بریگیڈ ہیڈکوارٹر بھی تباہ کر دیا گیا، نکیال، جولی، بڈوری پیرکنٹھی اور تتہ پانی سیکٹر میں پاکستانی فورسز نے بھرپور جوابی کارروائی کی جس کے بعد بھارتی فوجی چوکیاں چھوڑ کر بھاگ گئے۔
