تفصیلات کے مطابق ایڈیشنل ڈسٹرکٹ اینڈ سیشن جج افضل مجوکا کی رخصت کے باعث عمران خان کی 6 مختلف مقدمات اور بشریٰ بی بی کے ایک مقدمے میں ضمانت کی درخواستوں پر سماعت ممکن نہ ہو سکی۔ عدالت نے کارروائی ملتوی کرتے ہوئے نئی تاریخ 20 مئی مقرر کر دی۔

یاد رہے کہ بشریٰ بی بی کی جانب سے 26 نومبر کو ہونے والے احتجاج پر درج مقدمہ میں بھی الگ سے ضمانت کی درخواست دائر کی گئی تھی، جس پر ایڈیشنل سیشن جج عامر ضیا نے بھی سماعت ملتوی کرتے ہوئے 20 مئی کی تاریخ مقرر کی۔

شیر افضل مروت کا موجودہ حالات میں عمران خان کو ساتھ بٹھانے کا مشورہ

واضح رہے کہ عمران خان اور ان کی اہلیہ مختلف مقدمات کا سامنا کر رہے ہیں، جن میں سیاسی جلسوں، احتجاج، اور مبینہ قانونی خلاف ورزیوں سے متعلق الزامات شامل ہیں۔ ان مقدمات میں پیش رفت نہ صرف سیاسی حلقوں بلکہ عوامی سطح پر بھی گہری نظر سے دیکھی جا رہی ہے۔