تفصیلات کے مطابق میڈیا سے باتر چیت کرتے ہوئے چیئرمین پبلک اکاؤنٹس کمیٹی جنید اکبر نے کہا کہ پاکستان تحریک انصاف (پی ٹی آئی) میں ہر بندےکو آگے بڑھنے کا موقع ملتا ہے تو پھر اختلاف رائے تو موجود ہوگا،پاکستان تحریک انصاف (پی ٹی آئی) میں جس بندے پر عمران خان کا ہاتھ ہوگا وہی آگے آئے گا۔

ان کا کہنا تھا کہ پاکستان تحریک انصاف (پی ٹی آئی) میں صرف عمران خان اور اس کے ورکرز ہیں، ابھی تو پارٹی میں کوئی بڑا نام نہیں رہ گیا سب ہمارے جیسے ہی عام لوگ ہیں، پارٹی کو توڑنے کی کوشش کی گئی، ذاتی ووٹ والے اب پاکستان تحریک انصاف (پی ٹی آئی) میں نہیں ہیں ، سب چھوڑ کر چلے گئے ہیں۔

انہوں نے مزید کہا کہ پنجاب کے لوگ کیوں نہیں نکل رہے یہ سوال پنجاب کی قیادت سے پوچھا جائے، خیبر پختونخوا سے تو آج بھی لوگ نکل رہے ہیں تاہم ہمارے ورکرزکو ڈرایا جاتا ہے۔