تفصیلات کے مطابق میڈیا سے بات چیت کرتے ہوئے رؤف حسن نے کہا کہ اعظم سواتی صاحب جو کوشش کر رہے ہیں، اس پر میری رائے یہی ہے کہ یہ معاملہ عوامی بحث کا حصہ نہیں بننا چاہیے، وہ پاکستان تحریک انصاف (پی ٹی آئی) کا حصہ ہیں، وہ جو بھی کریں گے پارٹی کی ڈومین میں رہ کر ہی کریں گے۔

ان کا کہنا تھا کہ ہم آئین وقانون کے مطابق ریاست سے ڈائیلاگ کرنا چاہتے ہیں، بانی چئیرمین پاکستان تحریک انصاف (پی ٹی آئی) عمران خان کو ڈیل کرنی ہوتی تو وہ 2 سال سے جیل میں نہ رہ رہے ہوتے۔

رہنما تحریک انصاف کا مزید کہنا تھا کہ پچھلے دنوں میں بھی عمران خان کو آفرز ہوئی ہیں، ہمارے راستے کھلے ہوئے ہیں، ہم بہت کچھ کر سکتے ہیں، ہم نے کبھی بھی مذاکرات کیلئے دروازے بند نہیں کیے ہیں۔

ایک اور سوال کے جواب میں رؤف حسن نے جواب دیتے ہوئے کہا کہ پاکستان تحریک انصاف (پی ٹی آئی) میں کوئی اختلافات نہیں، مختلف رائے ضرور ہیں۔

مولانا فضل الرحمان کی حمایت سے متعلق 15 تاریخ کا وقت ہے، مولانا فضل الرحمان ساتھ نہ ہوئے تب بھی ہماری تحریک شروع ہو جائے گی۔