افسوسناک واقعے کے بعد ڈرائیور امجد علی نے پاراچنار تھانے میں شکایت درج کرائی کہ ملزم وہاب علی اور اس کی ایک ساتھی خاتون مسافر کو شہر سے اٹھایا اور کالج کالونی میں اتاردیا، منزل پر پہنچ کر مسافر نے 100 روپے ادا کیے اور 20 روپے کی واپسی کا مطالبہ کرنے لگا۔ڈرائیور نے انکار کیا کہ کرایہ اتنا ہی بنتا ہے تو وہاب علی نے  یہ سن کر حملہ کر دیا اور اس کا کان کاٹ لیا۔

مقامی ذرائع کے مطابق واقعے کے بعد زخمی ڈرائیور کو طبی امداد فراہم کرنے کیلئے فوری طور پر ڈسٹرکٹ ہیڈ کوارٹر اسپتال پاراچنار پہنچایا گیا جہاں اس کا علاج جاری ہے۔

بعد ازاں پولیس نے زخمی کی شکایت پر کارروائی کرتے ہوئے ملزم وہاب علی کوفوری طور پر گرفتار کر لیا ہے۔