عمران خان سے اڈیالہ جیل میں وزیراعلیٰ علی امین گنڈا پور کی ملاقات
عمران خان سے اڈیالہ جیل میں وزیراعلیٰ علی امین گنڈا پور ملاقات کر رہے ہیں/ فائل فوٹو
April, 2 2025
پشاور: (سنو نیوز) وزیر اعلیٰ خیبرپختونخوا علی امین گنڈاپور نے اڈیالہ جیل میں پاکستان تحریک انصاف (پی ٹی آئی) کے بانی چیئرمین عمران خان سے ملاقات کی جس میں حکومتی امور، پارٹی رہنماؤں کے اختلافات اور کرپشن کی شکایات پر تبادلہ خیال کیا گیا۔
تفصیلات کے مطابق پی ٹی آئی کے بانی چیئرمین عمران خان سے ملاقات کے لیے وزیراعلیٰ خیبر پختونخوا علی امین گنڈاپور اڈیالہ جیل پہنچے، سابق وزیراعظم عمران خان سے ملاقات کے لیے وزیر اعلیٰ خیبر پختونخوا علی امین گنڈا پور گیٹ نمبر 5 سے اڈیالہ جیل میں داخل ہوئے، عمران خان اور علی امین گنڈا پور کی ملاقات کانفرنس روم میں جاری ہے۔
ذرائع کے مطابق علی امین گنڈاپور کی آج کی ملاقات گزشتہ روز کی گئی اعظم سواتی کی ملاقات کا تسلسل ہے۔ گزشتہ روز اعظم سواتی خصوصی پیغام لے کر اڈیالہ جیل گئے تھے۔ گزشتہ روز بانی پی ٹی آئی عمران خان نے اسپیکر خیبرپختونخوا اسمبلی سے مستعفی ہونے کا پیغام دیا تھا۔
