ریلویز ہیڈکوارٹر نے عید کے تینوں روز یعنی 1 شوال، 2 شوال اور 3 شوال کو تمام میل ایکسپریس، پسنجر اور انٹرسٹی ٹرینوں کے ٹکٹوں پر 20 فیصد رعایت دینے کا اعلان کیا ہے۔ 

اس رعایت کا فائدہ مسافر ریزرویشن کاونٹرز سے کرنٹ بکنگ کے ذریعے حاصل کر سکیں گے۔ یعنی عید کے دوران مسافر اپنی ٹکٹیں کرنٹ بکنگ کے ذریعے کم قیمت پر حاصل کر کے اپنے سفر کو مزید خوشگوار بنا سکتے ہیں۔

خیال رہے کہ یہ رعایت ریلویز کے زیر اہتمام چلنے والی تمام ٹرینوں پر فراہم کی جائے گی، مگر عید سپیشل ٹرینوں پر یہ رعایت لاگو نہیں ہو گی۔

ریلویز حکام کے مطابق یہ فیصلہ مسافروں کو عید کی تعطیلات کے دوران بہتر سہولت فراہم کرنے کیلئے کیا گیا ہے، تاکہ لوگ کم قیمت میں اپنے عزیزوں کے ساتھ عید کی خوشیوں میں شریک ہو سکیں۔