پاکستان سے جدہ جانے والی پرواز بڑے حادثے سے بچ گئی
پاکستان سے جدہ جانے والی پرواز بڑے حادثے سے بچ گئی/ فائل فوٹو
April, 2 2025
لاہور: (ویب ڈیسک) لاہور سے جدہ جانے والی نجی ایئر لائن کی پرواز ای آر 821 بڑے حادثے سے بچ گئی۔
آٹھ گھنٹے تاخیر سے لاہور سے جدہ روانہ ہونے والی پرواز نے اڑان بڑھتے ہی ہنگامی لینڈنگ کی۔ ذرائع سول ایوی ایشن کے مطابق کاک پٹ کریو کی جانب سے انجن میں شدید وائبریشن کی نشاندہی کی گئی۔ پائلٹ کی جانب سے اے ٹی سی حکام سے لینڈنگ کی اجازت طلب کی گئی۔
پائلٹ نے طیارے کو بحفاظت لاہور ایئرپورٹ لینڈ کروایا۔ طیارے میں سوار 200 سے زائد مسافروں کو ویٹنگ ایریا میں بھجوا دیا گیا، طیارے میں خرابی کی وجوہات کے حوالے سے تفصیلی معائنہ جاری ہے۔
ذرائع نے بتایا کہ رن وے پر طیارے کی ابتدائی انسپیکشن میں انجن میں خرابی سامنے آئی، ائیرلائن انجینئرز کی جانب سے طیارے میں خرابی کی وجوہات کے حوالے سے تفصیلی معائنہ جاری رہا۔ بعد ازاں ائیر لائن انتظامیہ نے متبادل پرواز میں مسافروں کو ایڈجسٹ کر کے جدہ روانہ کرنے کا فیصلہ کیا۔
