تفصیلات کے مطابق محکمہ اسکولز ایجوکیشن پنجاب نے ترمیم شدہ نوٹیفکیشن جاری کردیا ہے جس کے مطابق سرکاری اسکولوں کے نئے اوقات کار 7 اپریل سے 15 اکتوبر تک نافذ العمل ہوں گے۔

سنگل شفٹ والے اسکول صبح ساڑھے7 بجے سے دوپہر 1 بجے تک کھلے رہیں گے۔ جمعہ کے روز اسکولوں میں چھٹی ساڑھے 11 بجے ہوگی۔ ڈبل شفٹ والے اسکول ساڑھے7 بجے سے دوپہر 12 بجے تک کھلے رہیں گے۔

سیکنڈ شفٹ والے اسکول دوپہر 12 بجے سے شام ساڑھے 4 بجے تک جاری رہیں گے، جمعہ کو یہ اسکول دوپہر ڈھائی بجے شروع ہوں گے۔