محکمہ موسمیات کی جانب سے جاری کردہ رپورٹس کے مطابق بالائی خیبرپختونخوا، گلگت بلتستان اور کشمیر میں بیشتر مقامات پر، جبکہ بالائی پنجاب، اسلام آباد اور زیریں خیبرپختونخوا کے چند مقامات پر وقفے وقفے سے تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
محکمہ موسمیات کے مطابق آج اسلام آباد اور گرد و نواح میں مطلع جزوی طور پر ابر آلود رہے گا، اور تیز ہواؤں کے ساتھ بارش کا امکان ہے۔
علاوہ ازیں مری، گلیات، راولپنڈی، اٹک، چکوال، جہلم، حافظ آباد، گوجرانوالہ، منڈی بہاؤالدین، گجرات، سیالکوٹ، نارووال، لاہور، شیخوپورہ، میانوالی، خوشاب، سرگودھا اور ان کے گرد و نواح میں بھی تیز ہواؤں اور گرج چمک کے ساتھ بارش کی توقع ہے۔
مزید برآں سندھ اور بلوچستان کے بیشتر اضلاع میں موسم خشک اور مطلع جزوی ابر آلود رہے گا، تاہم کوئٹہ، زیارت، ژوب، موسیٰ خیل اور چمن میں چند مقامات پر تیز ہواؤں اور گرج چمک کے ساتھ بارش کا امکان ہے۔
محکمہ موسمیات نے پیشگوئی کی ہے کہ ہری پور، بونیر، چترال، دیر، سوات، شانگلہ، کوہستان، بٹگرام، مانسہرہ، ایبٹ آباد، باجوڑ، مہمند، خیبر، اورکزئی، کرم میں اکثر مقامات پر جبکہ پشاور، چارسدہ، نوشہرہ، صوابی، وزیرستان، کوہاٹ، کرک، لکی مروت، بنوں اور ڈی آئی خان میں چند مقامات پر آندھی اور گرج چمک کے ساتھ بارش اور پہاڑوں پر برفباری ہو سکتی ہے۔
علاوہ ازیں کشمیر اور گلگت بلتستان میں تیز ہواؤں اور گرج چمک کے ساتھ وقفے وقفے سے بارش اور برفباری کا امکان ہے،جبکہ کشمیر اور گلگت بلتستان میں تیز ہواؤں اور گرج چمک کے ساتھ وقفے وقفے سے بارش اور پہاڑوں پر برفباری کی توقع ہے۔
