واک میں مختلف شعبہ جات سے تعلق رکھنے والے اساتذہ اور طلبہ بڑی تعداد میں شریک ہوئے، واک کا مقصد سانحہ جعفر ایکسپریس اور دہشتگردی کے دوسرے واقعات میں شہید ہونے والوں کے لواحقین کے ساتھ اظہار ہمدردی کرنا اور دہشتگردی اور شدت پسندی کی مذمت کرنا تھا۔

اس موقع پر طلبہ نے بینرز اور پلے کارڈ اٹھا رکھے تھے جن پر "11 مارچ یوم سیاہ" اور "ہم متحد ہیں" جیسے نعرے درج تھے، سانحہ جعفر ایکسپریس کے متاثرین سے اظہار یکجہتی کے لیے واک میں شامل طلبہ نے قومی یکجہتی اور ہم آہنگی پر بھی زور دیا۔

ریلی کے شرکاء نے سانحہ جعفر ایکسپریس اور دہشتگردی کے مذمت کرتے ہوئے کہا کہ ملک کو امن اور محبت کا گہوارا بنانے کے لیے سب کو کردار ادا کرنا ہو گا۔

اساتدہ کا کہنا تھا کہ ملک میں امن کے قیام کیلئے شدت پسند ی کا خاتمہ ضروری ہے جبکہ طلبہ نے شہدا کے لواحقین کے ساتھ اظہار ہمدردی کرتے ہوئے اس عزم کا اعادہ کیا کہ وہ ملک سے دہشگردی کے خاتمے کے لیے اپنی کاوش جاری رکھیں گے۔