اطلاعات کے مطابق مزدور پارک میں کھدائی کر رہے تھے کہ اچانک نیچے سے بوریاں نکل آئیں، جن میں مختلف نوعیت کے ہتھیار اور گولیاں چھپی ہوئی تھیں۔

پولیس نے فوراً موقع پر پہنچ کر تحقیقات کا آغاز کر دیا۔ ابتدائی طور پر یہ خدشہ ظاہر کیا جا رہا ہے کہ یہ اسلحہ اور گولیاں ماضی میں کراچی آپریشن کے دوران شرپسند عناصر کی جانب سے چھپائی گئی ہوں گی۔ برآمد شدہ ہتھیاروں میں ایل ایم جی بھی شامل ہے، جو کہ سنگین نوعیت کے ہتھیار ہیں۔

پولیس کا کہنا ہے کہ اسلحہ اور گولیوں کی فارنزک جانچ کے بعد اس کی مکمل تفصیلات سامنے آئیں گی۔علاوہ ازیں مزید کھدائی کا عمل جاری ہے، تاکہ پارک کے دیگر حصوں کی جانچ پڑتال بھی ہو سکے۔

پولیس اور رینجرز کی جانب سے مشترکہ طور پر اس معاملے کی تفتیش کی جا رہی ہے، تاکہ اس بات کا پتا چلایا جا سکے کہ یہ اسلحہ کس نے چھپایا اور اس کا مقصد کیا تھا۔