تھانہ سیکرٹریٹ مقدمہ: بشریٰ بی بی کی عبوری ضمانت میں توسیع

بانی پاکستان تحریک انصاف و سابق وزیراعظم عمران خان اپنی اہلیہ بشریٰ بی بی کے ہمراہ / فائل فوٹو
March, 12 2025
اسلام آباد: (سنو نیوز) انسدادِ دہشتگردی عدالت اسلام آباد نے بانی پاکستان تحریک انصاف (پی ٹی آئی) و سابق وزیراعظم عمران خان کی اہلیہ بشریٰ بی بی کی تھانہ سیکرٹریٹ کے مقدمہ میں عبوری ضمانت میں 28 اپریل تک توسیع کر دی۔
انسدادِ دہشت گردی عدالت کے جج ابوالحسنات محمد ذوالقرنین نے بشریٰ بی بی کی 2 مقدمات میں ضمانت قبل از گرفتاری کی درخواستوں پر سماعت کی۔ بشریٰ بی بی کی جانب سے انصر کیانی اور شمسہ کیانی ایڈوکیٹ عدالت میں پیش ہوئے۔ بشریٰ بی بی کی جانب سے حاضری سے استثنیٰ اور شامل تفتیش ہونے کیلئے درخواست دائر کی گئی۔
وکیل صفائی نے موقف اپنایا کہ تفتیشی کو ڈائریکٹشن دیں کہ وہ بشریٰ بی بی سے جیل میں شامل تفتیش کریں۔ جج ابوالحسنات محمد ذوالقرنین نے کہا کہ آج آڈر میں لکھ دیں گے کہ بشری بی بی کو شامل تفتیش کیا جائے۔ عدالت نے بشریٰ بی بی کی تھانہ سیکرٹریٹ کے مقدمہ میں 28 اپریل تک جبکہ تھانہ کراچی کمپنی کے مقدمہ میں عبوری ضمانت میں 29 اپریل تک توسیع کر دی۔
یاد رہے بشریٰ بی بی کیخلاف تھانہ سیکرٹریٹ اور کراچی کمپنی میں مقدمات درج ہیں۔
ضرور پڑھیں

5 جی 6 جی کا دور ختم، چین نے 10 جی انٹرنیٹ لانچ کردیا
April, 24 2025

مقبوضہ کشمیر: سیاحوں پر حملہ، بھارتی میڈیا کا حسب روایت پاکستان مخالف پراپیگنڈا
April, 22 2025

غزہ کے مظلوموں کی پکار: کیا برصغیر کا مسلمان جاگے گا؟
April, 22 2025

عمران خان سے ملاقات نہ کرانے پر توہین عدالت کی درخواست دائر
April, 18 2025