جسٹس امین الدین خان کی سربراہی پانچ رکنی بینچ نے سپر ٹیکس کیس کی سماعت کی۔ جسٹس امین خان نے ریمارکس دیئے کہ جسٹس عامر فاروق اسلام آباد ہائیکورٹ میں معاملہ پر فیصلہ دے چکے ہے، جسٹس عامر فاروق کیس نہیں سن سکتے، جس کے بعد سپرٹیکس کیس کی سماعت کرنے والا بینچ ٹوٹ گیا۔

کمپنی کے وکلاء نے کیس کی سماعت عید الفطر کے بعد کرنے کی استدعا کی۔ سپریم کورٹ نے کیس کی سماعت عید الفطر کے بعد تک ملتوی کرنے کی استدعا مسترد کر دی۔

جسٹس محمد علی مظہر نے استفسار کیا کہ فروغ نسیم صاحب عید تک یہ کیس مکمل نہیں ہوگا، جو کیس چلانا چاہتے ہیں ان کو کیس چلانے دیں، کم ازکم کیس چلنا تو شروع ہو، سیکشن چار بی اور چار سی پر عدالتوں فیصلوں کی الگ الگ پیپرز بک تیار کر لیں۔

عدالت نے فریقین کو وکلاء کی خدمات حاصل کرنے کی مہلت دیتے ہوئے کیس کی سماعت کل تک ملتوی کر دی۔