تفصیلات کے مطابق اپنا گھر بنانے کی خواہش رکھنے والے سرکاری ملازمیں کیلئے آن لائن رجسٹریشن کا طریقہ کار سامنے آ گیا ہے۔
صوبائی حکومت کی جانب سے سرکاری ملازمین کیلئے ہاؤسنگ اسکیم کی شروعات کر دی گئی ہے، جس کے تحت دستک ایپ کے ذریعے ہاؤسنگ اسکیم کی آن لائن رجسٹریشن کا آغاز ہو گیا ہے۔
ذہن نشین رہے کہہ تمام سرکاری ملازمین کو 25 مارچ تک اپنی اپنی رجسٹریشن مکمل کرنے کی ہدایات جاری کردی گئی ہیں۔
واضح رہے کہ صوبائی حکومت کی ہدایت پر کے پی ہاؤسنگ فاؤنڈیشن، اور ہاؤسنگ ڈیپارٹمنٹ آن لائن رجسٹریشن کررہی ہے۔
دوسری جانب دونوں محکموں کی جانب سے تمام سرکاری اداروں کو ہدایت کی گئی ہے کہ وہ اپنے اپنے متعلقہ دفاتر میں باقاعدہ طور پر نوٹس بورڈ پر لگایئں تاکہ تمام سرکاری ملازمین بروقت مطلع ہوں اور اپنی درخواستیں دستک ایپلیکیشن پر آن لائن جمع کرا سکیں۔
خیال رہے کہ ایپ پر درخواست فارم موجود ہیں، جسے پلے سٹور یا ایپل سٹور سے ڈاؤن لوڈ کیا جا سکتا ہے، جبکہ مزید تفصیل اور آن لائن فارم کا لنک ہاؤسنگ ڈیپارٹمنٹ اور KPITB کی ویب سائٹس پر بھی دستیاب ہیں۔
