تفصیلات کے مطابق عمران خان نے احتساب کمیٹی کو مئی تک رپورٹ پیش کرنے کی ہدایت جاری کی ہے، بانئ پاکستان تحریک انصاف (پی ٹی آئی) نے وزراء کی کارکردگی اور فنڈز کے استعمال پررپورٹ مانگی ہے۔

ذرائع کے مطابق احتساب کمیٹی نے کابینہ اراکین کو طلب کرنا شروع کر دیا ہے۔

اس حوالے سے پاکستان تحریک انصاف (پی ٹی آئی) کی احتساب کمیٹی کے رکن قاضی انور ایڈووکیٹ نے نجی نیوز چینل سے بات چیت کرتے ہوئے کہا ہے کہ مئی کے پہلے ہفتے میں ہی کابینہ اراکین کی کارکردگی رپورٹ پیش کرنے کا حکمنامہ موصول ہوا ہے۔

قاضی انور نے کہا کہ تمام وزراء، مشیر اور معاونین کمیٹی کے سامنے اپنی رپورٹس رکھیں گے، کابینہ اراکین فنڈز اور ان کے استعمال سے متعلق کمیٹی کو بریفنگ دیں گے۔

انہوں نے مزید کہا کہ مئی میں اس عمل کو مکمل کر کے رپورٹ بانئ چئیرمین پاکستان تحریک انصاف (پی ٹی آئی) عمران خان کو پیش جائے گی، گزشتہ روز وزیرِ خوراک نے کمیٹی کو اپنی کارکردگی کی رپورٹ جمع کرائی تھی۔