سنگاپور میں سٹیمکو سائنس گلوبل مقابلوں کا انعقاد ہوا جن میں 13 ممالک کے 177 بچوں نے شرکت کی، پاکستان سے 15 طلبہ نے فائنل میں رسائی حاصل کی،پاکستانی طالبہ انارا بہرام درانی نے سٹیمکو سائنس گلوبل مقابلوں میں گولڈ میڈل جیت کر پاکستان کا نام عالمی سطح پر روشن کیا۔

اس سے پہلے پاکستان بھر سے 26000 طلبہ نے مقابلےمیں حصہ لیا جن میں سے صرف 15 پاکستانی طلبہ بین الاقوامی مقابلے کے لئے کوالیفائی کر سکے تھے۔

واضح رہے کہ سٹیمکو سائنس مقابلہ 12 سے 17 فروری 2025 تک نیشنل یونیورسٹی آف سنگاپور میں منعقد ہوا،مقابلے میں دنیا بھر کے نوجوان سائنسدانوں نے اپنی مہارت کا مظاہرہ کیا،یہ ایونٹ نوجوان ذہنوں کو سائنس اور جدت طرازی میں بہتری کی طرف راغب کرنے کا ایک اہم پلیٹ فارم ہے ۔

ایونٹ میں پہنچنے والے پاکستانی طلبہ نے پاکستان میں "انٹرنیشنل کینگرو سائنس مقابلے"میں بھی غیر معمولی کارکردگی کا مظاہرہ کیا تھا،سائنس کے میدان میں لڑکیوں کی بڑھتی ہوئی نمائندگی انتہائی اہم ہے اور انارا اس راستے کی پہلی روشن مثال ہیں۔