جیل ذرائع کے مطابق دونوں قیدیوں کے کھانے اور دیگر ضرورتوں کے اخراجات ماہانہ 7 لاکھ روپے تک پہنچ گے، بانی پی ٹی آئی کا جیل میں ماہانہ خرچ 4 سے 5 لاکھ تھا، بشری بی بی کے جیل میں آنے سے 2 لاکھ اخراجات میں اضافہ ہوا، بانی کی فیملی کھانے سمیت دیگر اخراجات برداشت کر رہی ہے۔

بانی پی ٹی آئی ناشتہ، دوپہر اور رات کھانے کا مینیو خود سیٹ کرتے ہیں، بانی پی ٹی آئی اور بشریٰ بی بی کا کھانا الگ کچن میں مشقتی تیار کرتے ہیں، بانی اور بشریٰ بی بی جیل مینیو کا کھانا نہیں کھاتے۔ بانی ناشتے میں فریش جوسز اور ناریل کھانا پسند کرتے ہیں، دن میں 3 مرتبہ کافی پیتے ہیں، پنک سالمن مچھلی شوق سے کھاتے ہیں۔

عمران خان دیسی مرغ کی یخنی کا بھی استعمال کرتے ہیں، کھانا تیاری کے بعد ماہر نیوٹریشنٹس چیک کرتے ہیں، جیل میں بانی پی ٹی آئی اور بشریٰ بی بی کا مینوئل اکاؤنٹ ہے جس میں رقم بانی کی فیملی جمع کراتی ہے، اکاؤنٹ میں پیسے کم ہونے پر فیملی کو آگاہ کر دیا جاتا ہے۔