اپنے استعفے میں اختر حسین نے کہا کہ عدلیہ کی تقرریوں میں اختلافات کی وجہ سے وہ مزید کمیشن کے رکن کے طور پر کام جاری نہیں رکھ سکتے۔

انہوں نے اپنے استعفے کی نقل پاکستان بار کونسل کو ارسال کر دی ہے، تاکہ آئین کے مطابق ان کی جگہ نیا ممبر منتخب کیا جا سکے۔

واضح رہے کہ اختر حسین بار کونسل کے نمائندے کے طور پر جوڈیشل کمیشن کے رکن تھے۔انہوں نے اپنے فیصلے کا اظہار کرتے ہوئے کہا کہ موجودہ صورتحال میں ان کیلئے کمیشن میں مزید کام کرنا ممکن نہیں رہا۔

دوسری جانب پاکستان بار کونسل نے اختر حسین کے استعفے کے بعد نئے ممبر کے انتخاب کیلئے اجلاس 26 فروری کو طلب کرلیا ہے، جس میں جوڈیشل کمیشن میں وکلاء کی نمائندگی کیلئے نئے رکن کا انتخاب کیا جائے گا۔

خیال رہے کہ یہ فیصلہ عدالتی تقرریوں پر ہونے والے حالیہ تنازعات کے تناظر میں آیا ہے، جو ملک کی عدلیہ کے اندر بڑھتے ہوئے تنازعات کی عکاسی کرتا ہے۔

ماہرین کا کہنا ہے کہ اختر حسین کا استعفیٰ جوڈیشل کمیشن کیلئے ایک اہم موڑ ثابت ہو سکتا ہے،جس نے ایک نئی بحث چھیڑ دی ہے۔