صارفین کو دن بھر گیس بلاتعطل فراہم کی جائیگی۔ سوئی ناردرن کی جانب سے اس سے قبل صبح 6 سے 9، دوپہر 11 سے 2 اور شام 6 سے رات 10 بجے تک گیس فراہم کی جاتی تھی۔ گیس وافر مقدار میں موجود ہونے پر دن بھر فراہمی کا فیصلہ کیا گیا۔

دوسری جانب سرکاری ڈسکوز کے صارفین کیلئے بجلی 75 پیسے فی یونٹ سستی کر دی گئی۔ نیپرا نے سرکاری ڈسکوز اور کے الیکٹرک کیلئے قیمتوں میں کمی کا نوٹیفکیشن جاری کر دیا۔

نوٹیفکیشن کے مطابق کے الیکٹرک صارفین کیلئے بجلی کی قیمت میں 49 پیسے کمی کی گئی۔ سرکاری ڈسکوز اور کے ای کیلئے ماہانہ فیول پرائس ایڈجسٹمنٹ کی مد میں بجلی سستی کی گئی۔

سرکاری ڈسکوز کے صارفین کیلئے قیمت میں کمی نومبر کے ایف سی اے کی مد میں کی گئی۔ کے الیکٹرک صارفین کیلئے قیمت میں کمی اکتوبر کے ایف سی اے کی مد میں کی گئی۔