سیکرٹری سکولز پنجاب خالد نذیر وٹو کی طرف سے جاری کردہ نوٹیفکیشن کے مطابق چھٹیوں کا آغاز آئندہ ماہ 20 دسمبر سے ہوگا، موسم سرما کی چھٹیوں کا سلسلہ 10 جنوری 2025 تک جاری رہے گا، سکولوں میں موسم سرما کیلئے 20 دن کی چھٹیاں ہوں گی۔

واضح رہے پنجاب میں دسمبر کے دوران اکثر دھند اور درجہ حرارت میں 7 سے 8 ڈگری سینٹی گریڈ کی کمی واقع ہوتی ہے، جس سے طلبہ و طالبات کے لیے کلاسوں میں جانا مشکل ہو جاتا ہے۔

گزشتہ سال صوبائی حکومت نے ابتدائی طور پر 18 دسمبر سے 31 دسمبر تک تعطیلات کا اعلان کیا تھا جس کے بعد بعد میں ان میں 9 جنوری 2024 تک توسیع کی گئی تھی۔