تفصیلات کے مطابق مستونگ میں کلی گل کنڈ کے علاقے میں فائرنگ کا واقعہ پیش آیا جس میں صحافی نثار لہڑی جان سے ہاتھ دھو بیٹھے۔ ایس پی مستونگ کے مطابق پریس کلب آفس سیکریٹری کو گھر کے باہر قتل کیا گیا، صحافی کا قتل زمینی تنازع پر ہوا تاہم ملزمان کی گرفتاری کیلئے چھاپے مار رہے ہیں۔
صدر پریس کلب فیض دران نے مطالبہ کیا ہے کہ نثار لہڑی کے قاتلوں کو فوری گرفتار کیا جائے۔
اس سے قبل گھوٹکی میں نصراللہ گڈانی نامی ایک اور صحافی کو بھی گولی مار کر قتل کیا گیا تھا۔ واقعہ اس وقت پیش آیا جب نصراللہ گڈانی اپنے گھر سے میرپور ماتھیلو پریس کلب جا رہے تھے۔ دین شاہ کے قریب جروار روڈ پر کار میں سوار مسلح افراد نے صحافی پر فائرنگ کی اور موقع سے فرار ہوگئے تھے۔
