سی ٹی او لاہور عمارہ اطہر نے کہا ہے کہ موٹرسائیکل لائسنس کے لیے اب لرنر پرمٹ کے بعد انتظار نہیں کرنا پڑے گا۔ محدود مدت کے لیے موٹرسائیکل لائسنس کے لیے 42 یوم کا لرنر پریڈ ختم کیا جا رہا ہے، اب لرنر پرمٹ کے ساتھ ہی شہری ٹیسٹ دیکر لائسنس حاصل کرسکتے ہیں۔

عمارہ اطہر کا کہنا تھا کہ سہولت فراہم کرنے کا مقصد قیمتی وقت کو محفوظ اور قانون پسند شہری بنانا ہے، بغیر لائسنس ڈرائیونگ پر 02 ہزار روپے جرمانہ ہے، شہری موٹرسائیکل کا لائسنس ایک، دو،پانچ سال تک کا لائسنس بنوا سکتے ہیں۔

انہوں نے کہا کہ شفافیت کو یقینی بنانے کے لئے لائسنس سینٹرز میں کیش ہینڈلنگ کو مکمل طور پر ختم کر دیا گیا، شہری لائسنس کے حصول کیلئے صرف شناختی کارڈ کے ہمراہ تشریف لائیں، ڈرائیونگ لائسنس کے تمام مراحل کی آڈیو، ویڈیو ریکارڈنگ کو بھی یقینی بنایا جا رہا ہے۔