ہانیہ عامر نے اپنی ’ڈھولکی‘ کی تصاویر شیئر کر دیں؟
ہانیہ عامر نے رواں برس فروری میں اپنی سالگرہ روایتی مایوں اور ڈھولکی کے انداز میں منائی تھی/ فائل فوٹو
Updated | Published September, 4 2026 |
کراچی (ویب ڈیسک) پاکستان کی معروف اداکارہ ہانیہ عامر نے اپنی منفرد ڈھولکی تھیم برتھ ڈے پارٹی کی یادیں تازہ کرتے ہوئے تقریب کی پس پردہ تصاویر مداحوں کے ساتھ شیئر کیں۔
ہانیہ عامر نے رواں برس فروری میں اپنی سالگرہ روایتی مایوں اور ڈھولکی کے انداز میں منائی تھی جس کی تصاویر اور ویڈیوز نے سوشل میڈیا پر خوب توجہ حاصل کی تھی۔
اداکارہ نے اب تقریب کے تقریباً 6 ماہ بعد انسٹاگرام پر دوبارہ اس کی رینڈم اور ان دیکھی تصاویر شیئر کیں جس میں انہیں اپنے قریبی دوستوں کے ساتھ لطف اندوز ہوتے دیکھا جا سکتا ہے۔
ہانیہ نے تصاویر کے ساتھ دلچسپ کیپشن بھی لکھا جس میں انہوں نے مداحوں کو اپنی زندگی کی خوش مزاجی اور شوخی برقرار رکھنے کا پیغام دیا۔
یاد رہے کہ اس تقریب کی ویڈیوز سامنے آنے کے بعد گلوکار عاصم اظہر کے ساتھ ہانیہ عامر کے ڈانس نے سب سے زیادہ توجہ حاصل کی تھی اور دونوں کے درمیان دوبارہ قربت کی قیاس آرائیاں شروع ہو گئی تھیں۔
