بھارتی فلمی دنیا ایک اور بڑے فنکار سے محروم
بھارتی میڈیا رپورٹس کے مطابق اداکار کے منیجر سدھارتھ تیواری نے ان کے انتقال کی تصدیق کرتے ہوئے بتایا کہ کینسر دوبارہ شدت اختیار کر گیا تھا جس کے باعث وہ جانبر نہ ہو سکے۔
پردیپ راوت اپنی اہلیہ اور بیٹے وکرم آدتیہ کو سوگوار چھوڑ گئے ہیں، ان کی وفات کی خبر سامنے آتے ہی فلمی شخصیات اور مداحوں نے گہرے دکھ کا اظہار کرتے ہوئے انہیں خراج عقیدت پیش کیا۔
اداکار یشمال شرما، جنہوں نے فلم لگان میں پردیپ راوت کے ساتھ کام کیا تھا نے سوشل میڈیا پر انکی تصویر شیئر کرتے ہوئے ان کی فنی خدمات کو سراہا ہے۔
پردیپ راوت نے اپنے فنی سفر کا آغاز ہی آر چوپڑا کے شہرہ آفاق ڈرامے مہابھارت میں اشوتھاما کا کردار ادا کر کے کیا، جس کے بعد انہوں نے فلمی دنیا میں قدم رکھا اور منفی کرداروں کے باعث غیر معمولی شہرت حاصل کی۔
یہ بھی پڑھیں: معروف پروڈیوسر اور شاعر محمد سلیم طاہر انتقال کر گئے
انہوں نے عامر خان کی بلاک بسٹر فلم گجنی میں اپنے یادگار ولن کے کردار سے شائقین کو متاثر کیا جبکہ لگان اور راؤڈی راٹھور اور جنوبی بھارتی فلم سائے سمیت متعدد کامیاب فلموں میں بھی اپنی جاندار اداکاری کے جوہر دکھائے۔
پردیپ راوت کی وفات سے بھارتی فلم انڈسٹری ایک ایسے باصلاحیت فنکار سے محروم ہو گئی ہے جس نے ٹیلی ویژن اور فلم دونوں شعبوں میں اپنی منفرد اداکاری سے گہرے نقوش چھوڑے ہیں۔
