حالیہ دنوں ٹک ٹاکر علینہ عامر کی نازیبا وڈیو سوشل میڈیا پر گردش کر رہی ہے جس پر علینہ نے ناپسندیدگی کا اظہار کرتے ہوئے سخت ردعمل کا اظہار کیا ہے۔
سوشل میڈیا پر وائرل نازیبا ویڈیو پر ردعمل دیتے ہوئے علینہ عامر نے ایک ویڈیو بیان ریکارڈ کروایا جس میں ان کا کہنا تھا کہ میرا اس موضوع پر بات کرنے کا بالکل کوئی ارادہ نہیں تھا اور میں گزشتہ ایک ہفتے سے خاموشی کے ساتھ سب کچھ دیکھ، سن اور برداشت کر رہی تھی۔
انہوں نے کہا کہ جب میں نے سوشل میڈیا پر سینکروں ایسی پوسٹس دیکھیں کہ علینہ عامر کی نازیبا ویڈیو لیک ہوگئی ہے تو میں پھر میں نے فیصلہ کیا کہ ایسے لوگوں کو انہی کی زبان میں جواب دینا چاہیے۔
ٹک ٹاکر کا کہنا تھا کہ مجھے ایسے لوگوں کا مائینڈ سیٹ دیکھ کر حیرانگی ہوتی ہے کہ وہ کسی کو بدنام کرنے کے لیے کسی بھی حد تک گر سکتے ہیں، مطلب یہ کہ آپ ایک مس انفارمیشن پھیلارہے ہیں، اس پر تحقیق تو کرلیں کہ جو کچھ آپ شیئر کررہے ہیں وہ حقیقی ویڈیو بھی ہے یا نہیں۔
یہ بھی پڑھیں: اقرار الحسن کی تیسری اہلیہ عروسہ خان تنقید کی زد میں
علینہ عامر نے کہا کہ سی سی ڈی اس وقت پنجاب میں بہترین کام کررہی ہے، میری سہیل ظفر چھٹہ صاحب سے درخواست ہے کہ وہ اس معاملے کو سنجیدگی سے لیں اور لڑکیوں کی اے آئی ویڈیوز بنانے والوں کو سخت سے سخت سزا دی جائے۔
ان کا کہنا تھا کہ کسی لڑکی کی فیک ویڈیوز بنا کر اسے بدنام کرنا بھی ہراسانی کے زمرے میں آتا ہے، ایسے عناصر صرف اداکارؤں، ٹک ٹاکرز، انفلوئنسرز یا معروف شخصیات کی ہی ویڈیوز نہیں بنا رہے بلکہ بہت سے پرائیوٹ لڑکیوں کی ویڈیوز بھی بنائی جارہی ہیں اور ان کے گھر والوں کو بھیج کر ان کی زندگیاں برباد کی جارہی ہیں۔
ٹک ٹاکر نے کہا کہ الحمداللہ میرا تعلق ایک پڑھی لکھی فیملی سے ہے، میرے اہلخانہ مجھ پر پورا بھروسہ کرتے ہیں اور میں ان کا بھروسہ ایسی کوئی حرکت کر کے کبھی نہیں توڑوں گی۔
علینہ عامر نے اعلان کیا کہ جس نے بھی مجھے یہ فیک ویڈیو بنانے والے کے بارے میں معلومات فراہم کیں میں اس کو کیش پرائز دوں گی جب کہ آج کے دور میں کسی بھی لڑکی کو خاموش نہیں رہنا چاہیے بلکہ اپنے لیے آواز اٹھانی چاہیے۔
