راکھی ساونت نے جاری کردہ سوشل میڈیا پر ویڈیو پیغام میں کہا کہ میں نتیش کمار کی بے حد عزت کرتی ہوں لیکن یہ انہوں نے کیا حرکت کی؟ ان کو شرم نہیں آئی؟

راکھی نے مزید کہا کہ مسلمان خاتون کو نقاب پہننا پڑتا ہے، انہیں کیا دو پیسے کی بھی عقل نہیں ہے؟ ایک طرف آپ ایوارڈ دے کر انہیں عزت دے رہے ہو اور دوسری طرف آپ ان کی عزت سے کھلواڑ کررہے ہو؟

بھارتی اداکارہ نے مطالبہ کیا کہ نتیش کمار کو چاہیے کہ وہ ایک پریس کانفرنس کریں جس میں وہ خاتون کو مدعو کریں اور سب کے سامنے ان سے معافی مانگیں۔

یہ بھی پڑھیں: بنگلہ دیش کا پاکستانی طلبہ کے لیے میڈیکل نشستیں مختص کر نے کا فیصلہ

خیال رہے کہ مسلمان خاتون کے چہرے سے نقاب کھینچنے پر نتیش کمار کے خلاف مقدمہ بھی درج کرلیا گیا ہے۔

انسانی حقوق کی کارکن دپیکا پشکر ناتھ نے اسے جنسی ہراسانی کا سنگین واقعہ قرار دیا جبکہ مقبوضہ کشمیر کی سابق وزیر اعلیٰ محبوبہ مفتی نے بھی اس واقعے کی شدید الفاظ میں مذمت کرتے ہوئے اسے خواتین کی تذلیل قرار دیا ہے۔