یہ خبر ان کے بیٹے اور معروف اداکار پارس مسرور نے اپنے انسٹاگرام اسٹوری کے ذریعے شیئر کی، جس کے بعد شوبز اور ناظرین میں گہرا دکھ پھیل گیا۔
خیال رہے کہ بینا مسرور نے شوبز کے شعبے میں کئی یادگار کردار ادا کیے، جن میں بنجارا، بیٹیاں، تڑپ، عشق نہیں آسان، آنگن، اگر اور جانِ جہاں شامل ہیں۔ ان کے اداکاری کے انداز اور منفرد پرفارمنس نے انہیں شوبز کی دنیا میں ایک ممتاز مقام دیا اور وہ ناظرین کے دلوں میں ہمیشہ زندہ رہیں گی۔
اداکارہ ڈاکٹر بیدل مسرور کی اہلیہ تھیں، انہوں نے سندھ یونیورسٹی سے تعلیم حاصل کی، تعلیم کے شعبے سے بھی وابستگی رکھی اور تدریس کے ذریعے کئی طلبہ کی رہنمائی کی۔ شوبز کے ساتھ ساتھ ان کی یہ تدریسی خدمات بھی انہیں ایک متوازن اور کامیاب شخصیت کے طور پر پہچان دیتی ہیں۔
یہ بھی پڑھیں:سینئر اداکارہ شگفتہ اعجاز کے بھائی خالق حقیقی سے جا ملے
پارس مسرور نے اپنی والدہ کی مغفرت کیلئے مداحوں اور شائقین سے دعا کی درخواست کی ہے۔ سوشل میڈیا پر شوبز شخصیات اور مداحوں نے ان کے انتقال پر افسوس کا اظہار کرتے ہوئے انہیں خراج عقیدت پیش کیا ہے۔
بینا مسرور کی اداکاری کے گہرے اثرات اور یادگار کردار ہمیشہ پاکستان ٹیلی ویژن کی تاریخ میں یاد رکھے جائیں گے، ان کی کمی شوبز کی دنیا میں ہمیشہ محسوس کی جائے گی۔
